اغنيه لحظه ضعف

 كلمات الاغنيه

اول ساعات الاخره اخر ساعات الدنيا
كلمه واحده معنى واحد راحت مني روحي في ثانيه
المسيره الانسانيه ناسي ان الدنيا فانيه
عشت طول عمري وحياتي ناسي ان نهايتي جايه
دلوقتي حلم عمري اني ارجع بالزمن ولو لثانيه
شايف كل الناس حوليه
اهل ابويا وامي صدقوني مش باديه
اصل كل واحد فينا نهايته جايه جايه
احساس بوحده فظيعه بعدت عني الانسانيه
عذاب ونار وقبر ضلمه المكان بيضيق عليه
رب العباد انت من عالم بحالي يا رزاق يا وهاب
فوضت امري اليك يا قهار يا غفار
اغفر ذنوبي اني اتوب اليك يا سميع يا عليم
اذنبت في حق نفسي يا رحمن يا رحيم
انت المحيي المميت مالك الملك العظيم

زهقت من كتر ما الدنيا عماله تكسر فيا
مدقتش طعم الفرحه مفيش غير اسيه
خلاص فاض بيه
مش قادر اكمل مش قادر استحمل
ليه يا دنيا بتيجي عليه
عقبات في كل خطوه معارضه في كل حته
ادامي مليون طريق مش عارف امشي في انهي سكه
عمال بعافر حالي بجد يصعب عالكافر
لو كنت قادر كنت مالدنيا دي هسافر
حياه وحشيه عمال بحارب الزمن
مع اني مش غلطان بس بدفع الثمن
مبنكرش ان كل من عليها فاني
لكن طول ما احنا عايشيين لازم نعاني
حياتي بقت عباره عن طريق كله عتمه
نفسي اشوف النور نفسي اسيب الكتمه
يا رب معدش ليا غيرك في الدنيا دي
ساعدني انجدني انت وبس عالم بحالي

فالعمر يعدي والقطر يفوت
وانا زي ما انا اخري هترمي في تابوت
فكلي حسنات ولا كلي ذنوب
مفتكرتش مره اني ارجع و اتوب
لما اتحرمت من جنه الدنيا ومتعتها
عرفت ان دي حياتي ودي اخرتها
فقلت اقضيها واعيش من غير قلب
فلغيت من قاموس حياتي معنى كلمه حب
كنت بمشي في الشوارع والناس نايمين
واصرخ واسال نفسي هو انا مالبني أدمين
كنت بسمع صراخي كنت بحس بالانين
وانا بعد عمري والايام والسنين
انسان عرف معنى القسوه من هو صغير
كان متوقع حياته لما يكبر هتتغير
بس لما يزيد القسوه يزيد معاها الكفر
فرصيد حبي وسط الناس بقى صفر

لينك تحميل الاغنيه
http://www.4shared.com/audio/lTCFxTPn/friends_crew__l7zet_da3f.html